Modele të reja për flokët e gjata

Nuk keni një ide të qartë se si të ndryshoni dukjen tuaj? Mos u shqetësoni aspak, askush më mirë se sa ylli i famshëm Minka Kelly dhe stilisti Oscar Brandi mund t’ju tregojnë se çfarë është në modë, dhe çfarë do të jetë mahnitëse në muajt e ardhshëm.

Çdo model është i thjeshtë, dhe nuk ju merr shumë kohë, nëse ju tashmë e keni vendosur se çfarë pamje do zgjidhni.

Flokë të kthyer përjashta
Ndërroni stilin e flokëve kaçurrela, duke i drejtuar ato pothuajse komplet, por duke kthyer përjashta vetëm një pjesë të vogël të tyre, pjesa pak para majave të flokëve mund t’i ktheni me mashën e duhur. Për të filluar stilimin duhet të keni mjetet e duhura, si mashë, piastër, xhel, krehër, pasi me mungesën e këtyre objekteve stilimi nuk do dalë asnjëherë ashtu siç ju e dëshironi.

Flokë të ndarë në njërën anë
‘Çelësi për t’i dhënë pamjen e duhur flokëve tuaj, është nëse i hidhni ato në njërën anë’, tha Blandi. Nëse i rëndoni pak më shumë në njërën anë. Me një krehër dhe flokë pak të lagur, i sillni në njërën anë të kokës dhe i lidhni ato në formë të rrumbullakët.

Flokë të ndarë në midis me një gërshet në anë të kokës tuaj
Ky model është shumë i lashtë, por shumë i preferuar, pasi i ka rezistuar kohës për shumë vite. Të kapurit flokët tashmë është bërë pothuajse një problem sepse ju merr shumë kohë dhe duhet shumë durim në stilimin e tyre. Prandaj dhe shumë femra priren të bëjnë modelin më të thjeshtë, siç është gërsheti dhe krijojnë një pamje me të vërtetë atraktive. Në njërën anë i mbani flokët e lëshuar dhe të fryrë pak me llak shkumë dhe në tjetrën lidhni një gërshet të gjerë dhe të bukur.

Flokë me onde (dallgë-dallgë)
Një stilim me të vërtetë romantik dhe i ëmbël që do t’ju dhurojë një pamje mjaft sensuale. Dëshironi të jeni e veçantë dhe të spikasni në një eveniment në të cilin jeni e ftuar, atëherë ky stilim është i duhuri për ju.

Burimi: Telegrafi.com

Çaji i gjelbër te meshkujt përmirëson kujtesën dhe vëmendjen

Nëse kërkoni freskim të trurit në mëngjes, harrojeni kafenë – çaji i gjelbër këtu është më efikas se gjithçka tjetër.

Kjo pije plot me polifenole zgjeron enët e gjakut dhe përshpejton furnizimin e trurit me gjak. Falë përbërësve të tij, ky çaj zgjon vëmendjen dhe përmirëson kujtesën tek përfaqësuesit e gjinisë së fortë.

Në hulumtim kishin marrë pjesë dymbëdhjetë meshkuj, të ndarë në dy grupe. Njëri grup kishte konsumuar pijen me ekstrakte të çajit, derisa grupi tjetër kishte marrë pije placebo, pa shtuar asgjë. Në krahasim me grupin që kishte konsumuar placebo, tek pjesëmarrësit që kishin konsumuar çaj të gjelbër kishte ardhur deri tek zgjimi dhe freskimi i korteksit, pjesë e trurit kjo që është e ngarkuar për zgjidhjen problemeve dhe vëmendjen.

Çaji i gjelbër mund të parandalojë efektet negative në neurotransmetues, që janë të përfshirë në funksionimin e trurit, si doparnina dhe epinefrina – tha bashkautori i studimit Dr. Stefan J Borgwardt, nga spitali universitar në Bazel të Zvicrës.

Burimi: Telegrafi.com

Cora Keegan për “Free People”

Modelja Cora Keegan modelon me disa nga veshjet me të bukura të këtij koleksioni. Shikoni setin fotografik më të ri të ‘Free People’ si dhe merrni pak frymëzim që të rinovoni gardërobën tuaj me veshje dhe aksesore të veçantë.

Po kërkoni materiale të mira, por nuk dini se si t’i kombinoni ato dhe ku t’i gjeni. Mos u shqetësoni për këtë ju vjen në ndihmë seti fotografik që ne do t’ju paraqesim.

Ky set përmban një seri veshjesh të thjeshta, të bukura, të ngrohta për stinët e ftohta. Këmisha, funde, çorape të gjatë leshi, pulover dimri e trashë, xhupa, pantolla të gjata kuadrate, xhinse, xhaketa dhe jelekë me gëzof të mëndafshtë janë disa nga veshjet të cilat janë punuar me mjaft mjeshtëri në këtë koleksion, në të cilët modelja Cora shfaqët më e bukur se asnjëherë.

Burimi: Telegrafi.com

Pse femrat janë më të lumtura me meshkuj më pak atraktiv?

82 çifte kishin marrë pjesë në studimin, i cili për qëllim kishte ta kuptojë pse femrat e bukura, me famë botërore, përcaktohen për një mashkull më pak atraktiv se vetë ato.

Shumë herë kemi rastin të shohim një çift, madje kjo ndodh edhe tek yjet dhe personalitetet e njohura, në të cilat femra është shumë më tërheqëse se sa mashkulli.

Shkencëtarët e kanë vërtetuar se femrat gjithsesi se e dinë fare mirë se si dhe çfarë veprojnë. Studimi më i fundit sugjeron se femrat që janë në lidhje me një mashkull më pak atraktiv janë më të lumtura. Hulumtuesit nga UCLA dhe universiteti Tennessee kishin grumbulluar 82 çifte, të cilët jonë të martuar për një vit dhe ata që në minimum njihen për tre vjet në mënyrë që t’i xhirojnë se si ata zgjidhin problemet e tyre personale.

Meshkujt më tërheqës gjatë zgjidhjes së problemeve karshi partnereve shpreheshin me fjalët si “ky është problemi yt, ti merru me të”, derisa ato më pak atraktiv më shumë ishin munduar që partnere t’ia bëjnë me dije se ata janë aty për partneren e tyre sa herë që ato kanë nevojë. Nga ana tjetër, meshkujt e hijshëm të vetëdijshëm se dëshirohen edhe nga femrat e tjera, më së paku ishin munduar t’i zgjedhin problemet. Në lidhjet ku të dy parterët ishin të hijshëm, ofronin më pak mbështetje për njëri-tjetrin.

Burimi: Telegrafi.com

Birra ka cilësi antivirusale

Një përbërës i birrës mund të mbrojë nga ftohja, madje edhe nga sëmundjet serioze të fëmijëve, kanë konstatuar ekspertët japonezë të Universitetit të Saporos, gjatë një hulumtimi, të cilin e ka financuar birraria “Saporo brueriz”.

Është konstatuar që bashkimi kimik i kulprës, të quajtur humulon, të cilën birraritë e përdorin për t’i dhënë birrës shijen e hidhur, është mbrojtje efikase kundër virusit RS, i cili mund të shkaktojë formë serioze të inflamacionit të mushkërive dhe të bronkitit te fëmijët dhe simptoma të ftohjes te të rriturit.

Kundër virusit RS tani për tani nuk ka vaksina efikase, mirëpo problemi me humulonin është që për të qenë veprimi i tij efikas duhet të pihen rreth 30 kanoçe birra prej 350 ml.

Ekspertët japonezë prandaj konsiderojnë të arsyeshëm futjen e sasive të dozuara të humulonit në ushqim dhe në pijet joalkoolike, mirëpo sfidë do të paraqiste neutralizimi i shijes së tij shumë të hidhur.

Burimi: Telegrafi.com

Klori në ujë mund të ndikojë në shfaqjen e alergjive

Gjithnjë e më shumë po shtohet numri i njerëzve që janë alergjikë në një artikull – tash bëhet fjalë për ujin nga çezma, përkatësisht produkti i klorit – diklorfenol.

Studimet që ishin kryer në kolegjin amerikan Albert Ajnshtajn kanë vërtetuar se për një numër të madh alergjish fajtor është uji që vjen në mënyrë të drejtpërdrejtë nga çezma – përkatësisht klori. Klori që mbetet në rubinetet e ujit mund të shkaktojnë reaksionin e organizmit dhe krijon ndjeshmërinë në një grup ushqimesh.

Edhe pse niveli i klorit në ujë kontrollohet në mënyrë të rreguIlt, çdo ditë u jemi të ekspozuar kemikaleve. Tashmë një përqindje prej 4% e fëmijëve kanë një formë të alergjive, prandaj alergjitë nuk kanë kursyer as personat e rregullt.

Hulumtime të shumta tashmë janë duke u bërë në këtë drejtim dhe besohet se klori në ujë ndikon në masë të madhe në shfaqjen e alergjive të ndryshme, por se një kujdes më i shtuar do të tregohet ndaj fëmijëve, të cilët nuk kanë mundësi të tregojnë simptomat e alergjive.

Burimi: Telegrafi.com

Çfarë vëren mashkulli për të parën herë te një femër?

A e keni ditur se 82% e meshkujve stilin seksi të flokëve të një femre e konsiderojnë element kyç të joshjes?

Nëse nuk ekziston një mashkull, i cili nuk mundet të ju bëja ballë këmbëve të gjata, dekoltesë apo buzëqeshjes së bukur, studimi i revistës “Glamour” ku kishin marrë një numër të madh të meshkujve, janë pikërisht flokët, që nga meshkujt shihen si faktor kyç për bukurinë e një femre.

Ja rezultatet e hulumtimit:
* 74% të meshkujve, femra i tërheq në bazë të stilit të flokëve.
* 44% e meshkujve tek një femër së pari vëren flokët, dhe këtë madje para këmbëve, grimit dhe veshjes.
* 82% e meshkujve mendojnë se flokët seksi dhe stili i flokëve janë elementi kyç i një femre.
* 60% e meshkujve kanë pranuar se më parë do të dilnin me një femër që ka flokë të përsosur se sa me një me gjinj të mëdhenj.
* 78% e meshkujve e kanë pranuar se një femër që ka flokë me aromë të mirë i tërheq më shumë.

Burimi: Telegrafi.com

Duma ruse reagon ndaj sanksioneve të mundshme

Ligjvenësi rus tha se ministria e jashtme ruse ka një listë konfidenciale të shtetasve amerikanë, të cilëve do t’u ndalohet hyrja në Rusi

Rusian DumaLigjvënësit rusë u zotuan se do t’i përgjigjen me masë të ngjashme një projekt-ligj amerikan për vënien e sanksioneve ndaj zyrtarëve rusë të dyshuar për shkelje të të drejtave të njeriut.
Zyrtarët rusë thonë se Dhoma e ulët e parlamentit, Duma, do të konsiderojë vendosjen e një lloj të dënimi të ngjashëm kundër qytetarëve amerikanë që Moska dyshon për shkelje të të drejtave të njeriut.
Kryetari i komisionit të Dumas për çështje të jashtme, Alexei Pushkov, tha se ministria e jashtme ruse tashmë ka një listë konfidenciale të shtetasve amerikanë, të cilëve do t’u ndalohet hyrja në Rusi, nëse ligjvënësit amerikanë miratojnë sanksione. Ministria e Jashtme ruse e  kishte denoncuar më parë projekt-ligjin amerikan  – të njohur si “Akti Magnitsky” – duke e quajtur “veprim absolutisht armiqësor, provokativ dhe të njëanshëm.”
Javën e kaluar, Senati amerikan votoi për të hequr kufizimet e tregtisë në Rusi që datojnë në epokën e Luftës së Ftohtë, normalizimin e tregtisë me Moldavinë dhe të vendosë sanksione ndaj zyrtarëve rusë të akuzuar për shkeljen e të drejtave të njeriut. Presidenti amerikan Barak Obama ka premtuar ta nënshkruajë projekt-ligjin.
Projekt-ligji ka marrë emrin e  Sergei Magnitskyt, një 37-vjeçar avokat rus, i cili u burgos pasi denoncoi atë që ai e quajti një rrjet kriminal zyrtarësh rusë që vodhi 250 milionë dollarë nga paratë e taksave. Magnitsky vdiq në burg në Rusi  vitin 2009.

Burimi: Zeri i Amerikes

Xhemperët vishen edhe kur nuk është ftohtë

Xhemperët më nuk janë të rezervuar vetëm për pantallona, por mjaft mirë përshtaten edhe me funde dhe me fustane.

Ndaloni së menduari për xhemperët si diçka të mëdhenj, diçka që vishen vetëm kur është ftohtë. Xhemperin e bukur mund ta vishnin në secilin rast, e gjatë këtij sezoni dizajnerët i kombinojnë pothuajse me gjithçka.

Varësisht nga gjatësia mund t’i vishni në raste të përditshme, por edhe në punë. Pos me funde, xhemperët e thurur në mënyrën më të mirë të mundshme përshtaten edhe me fustane, sidomos me fustanet me ngjyra të lumtura apo me motive.

Nëse xhemperin e vishni me një fustan me motive, kombinojeni me çizme të shkurta. Kombinimi klasik i këmishës dhe xhemperit do të jetë shumë tërheqës, sidomos nëse xhemperi ka një formë asimetrike.
/Telegrafi

Portali Telegrafi ka kënaqësinë t’u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.

Burimi: Telegrafi.com